_ بدر 1__للشاعر/أمين الجوفي
طـالـمـا والــبـــدر رابـــط جـلـنـطه
والله ان الـحـلـف وابـلـيـس وارط
اصــبـح الـعـاهـل ونـجـله بـورطـة
واصـبحت الاجـوا عليـهم نواخـط
مصنعي جـاهز و بـاعـيــد ضـبـطه
لــو مـعـه مـلـيون قـاضي ونـاشط
لــو جـمـع بـث الامـم فـي مـحطة
وانـــفــرد بــقـمـارهـا والــلــواقـط
تـلـتـقـط فـالـثـانـيه الــــف لـقـطـة
وامـتـلك كــل الـخطط والـخرايط
واكـتـشـف جـــوّه وبـــرّه وشـطّـه
ان عـــــاد الله رافـــــع وبـــاســط
وان بــاطـل زيـــف كـبـره وزنـطـه
ذاب واصبح فى لقاء الحق ساقط
وان حــربـه فـالـيمن كــان غـلـطة
وان جـيـشـي فالـقـاء مـايـسـافط
وان جـيـشه حــق كـبـسه وشـطـة
لاقـــرح الاصـفـر يـفـك الـتـخارط
حِــمْـل لاشــلّـه ولا اقـــدر يـحـطّه
مـــادرى إلا بــعـد مــاصـار قـافـط
طـحـست الـدنـبوع يـمـكن يُـقـطّة
جــاء يـكـوعب والـعصيدة بـراقط
واسـتـغـل الــغـرب مــالـه ونـفـطه
يــدفـع الـمـليار مــن اجــل رابــط
يـرقـعـه واحـــد وواحـــد يـشـطّه
والـمـخايط فـي مـقـام الـمـشارط
يـرقـعـوا عـيـب الـمـقعي بـخـبطة
تـشـبـحـه لامــا عـظـامـه تــزايــط
مـانـفع جـيـشه وجـيـش الـبـزنطه
عـنـد مـن؟!والـشـعب كلـه مـرابط
بــدّل الـنـعـمة بـجـدبـه وقـحـطـه
بـعـد هــدمـه لـلـقـيم والـضـوابـط
بــايـبـادل نــفــط جـــده بـحـنـطة
والــزمــن دوار والــفـسـل هــابـط!!
والـحقيقه مـن لـقى شـعب عرطة
بـايـغـالـط واقــــدر انــــه يـغـالـط
تــفـشـل الـخـطـة وعـــزز بـخـطـة
وان عــاد الـحـلف بـيـن الـمـقافط
طالـمـا والــبـدر جــاهــز بـضـغـطة
واصـبـح الـمـبروك فـالـجو شاخط
عــــاد ابـوجـبـريل نـــاوى يـمـطـة
لــجــل مــــرّة ثــانـيـه لا يــهــايط