في وداع الشهيد المجاهد (روح الله)….للشاعر/ محمد الهلالي

يَا (( رُوُحْ )) مِنْ سَبْطْ طَهَ فيْ وَدَاعَك نِصِيحْ
يِهْنَاكْ يِهْنَاكْ فُوُزَكْ يَاالّفَتَى النّخْبَوُي

فأابُوُكْ قَبْلّكْ تِقَدّمْ للكّرَامَهْ يِزِيْحْ
عَصْفْ الظَلَالَهْ وصَوُتَهْ كَانْ يِدْوِى دَوُي

أقْسِمْ بِمَنْ عَزَّنَا بالدِّين إنّكْ ذَبِيْحْ
قُربَانْ للّه لَمْ تِرْجَع ولَم تِلّتَوُي

ذكْرَاك في كُلّ مَجْلِس فَاحْ كَاذِي وشِيْحْ
يَا فََخْرْ هَذِيْ المَسِيْرهْ والصِرَاط السّوُى

فِانْظُرْ أسَارِيرْ وَجْهي كَمْ أنَا مُسْتَرِيحْ
وأنَا مُجَاهِدْ مَعَ اللّهْ وَصْلَكُمْ والرَّوُي

يَازَيْدَنَا المُصْلِحْ الزَيْزُوُمْ حُبَّكْ ضَرِيحْ
يِطُوُفَهْ الشِّعرْ والشّاعِرْ ويِطْوُي طَوُي

ويَا (( رُوُح ْ)) مِنْ زَيْدَنَا المَشهُور قُوُله صَرِيحْ
لسيّدِي إحْسِيِن فِي الشِدّه وهَجْمَِة غََوُي

واللّهْ واللّهْ لنْ يَصَلُوا لِجَرْفْ الجَريحْ
وزَيْدْ وَاقِفْ عَلى المَنْهِل ولََمْ يِرْتَوُي

لُوُيجْمَعُوا الكُفرْ في عَاصِفْ وعَجّهْ ورِيحْ
لنّ يِبْلَغُوا مِنّك مَا يَرْجُوه وأنَا الخَوُي

تِبْقَى العَلّمْ ياأبْنْ بَدْر الدِّينْ مَا بَاتِطِيحْ
لو فَجّرُوا الأرض بالذَرِّي وَبِاالنَّاوُوُي

حُبّك تِلَوّي بِقَلّبِي كَالحَلَصْ والصَفِيحْ
يا نُوُرْ عيْنِي وِيا نَسْلّ الصَفِي الهَادوُي

جَزَالِة النّبْطْ تِتْمَطّى الفَصِيح الفَصِيحْ
وتَهَانِي الفُوُز تِشْوِي للمَشَاعِر شَوُي

يَا رَبّ لَاَ أسْتَشْهَدُوا مِنّا الصَبِيح الصَبِيحْ
فا أُكتُبْ لِنَا الفُوُزْ مَعْهمْ يالعَزيزْ القَوُي

فِيْ جَنّةْ الخُلدْ والعَيْشْ الهَنَّيّْ المُرِيحْ
وفِي حَظْرَةْ الطُّهْرْ طَهَ والوَصِي العَالوُي..