الوفاء في موقعه…للشاعر/بدر أحمد الكهالي
الجيد والصنديد من بايوفي اليوم للشهيد
واكبر وفاء يالجيد نستنفر ونلزم موقعه
بالوعي والتحشيد في دربه ونهجه مانحيد
والعون والتأييد من رب السما واحنا معه
بالدعم والتشييد نعمل ننصر الدين المجيد
والكل بالتأكيد ملزم بالعمل من موضعه
انواجه التصعيد بالتصعيد والبأس الشديد
واللم والتوحيد والوحده هدى الله نتبعه
انجرع العربيد واذناب العدا كأس الصديد
ونشرده تشريد في الهيجا المنون نجرعه
بالدك و التكبيد يخسر في عتاده والعبيد
والصد والتوصيد للابواب ضده نقمعه
في بحرها والبيد بالساحل وبالحيد العتيد
عهد الولآء تجديد للسيد بأن احنا معه
و الله ماباحيد واتخلف على نهج الشهيد
شفضل ابد كالحيد شامخ ماالرياح تزعزعه
للمعتدي باصيد واحصد شلة امريكا حصيد
والنصر والتسديد من ربي لنا في مرجعه
والا الشهاده عيد وعد الله اتي والوعيد
يهنى الشهيد يهناه حياً عند ربي يرفعه